candyww94的部落格

3大護膚小技巧 做多一小步改善肌膚各大問題

天氣轉變皮膚就會變差！？呢排天氣都唔太穩定，身邊朋友成日講皮膚唔係太乾就容易出油/毛孔粗大/粉刺痘痘等通通係臉上呈現。其實除咗天氣外，平時生活嘅壞習慣，例如夜訓，少飲水，少運動，同經常化妝均會為皮膚帶來大大嘅傷害！想要白滑幼嫩肌！？由今日起就要做多少少改變啦，皮膚係自己嘅，自己唔著緊就無人比你更著緊架啦！

3大護膚Tips 拯救幼嫩小肌膚 SOS

Tip 1：徹底卸妝+力度要輕柔

卸妝水/油/乳一定唔可以慳！千祈唔可以因為卸妝產品貴而要慳住來用，如果只用少量去卸曬全面嘅妝，仲要濃妝嘅話，我可以肯定咁講，一定唔可以！卸妝一定要徹底，唔可以馬虎了事，一旦卸妝唔乾淨，污垢同殘留物就會堆積曬係毛孔入面，令到毛孔粗大，臉部無曬光澤。再者，用量少嘅話就會加大卸妝嘅力度，肌膚遭受大力摩擦嘅時候，就會容易變得鬆弛，無曬彈性。

Tip 2：溫水洗臉

避免使用熱水洗臉，唔好以為熱水洗臉就可以洗走臉上嘅油分，宜家係洗臉唔係洗碗啊！熱水容易洗走皮膚的保護膜，令到肌膚變得唔夠水潤，容易乾燥，促使皮膚鬆弛老化，毛孔增大，皺紋增生，從而導致皮膚粗糙。

Tip 3：每日搽防曬

唔好以為唔洗曬太陽就唔洗搽防曬，就算陰天/長期係office都會有紫外線，紫外線令到皮膚變黑、老化同產生皺紋， 所以去到邊都要搽防曬出門，阻擋斑點形成同時為皮膚做多層保護。

一個小動作就可以為肌膚帶來大改變，緊記以上3大護膚小tips，捍衛我地柔嫩嘅肌膚><

Tag：

護膚技巧，白滑幼肌，卸妝，清潔，鬆弛，彈性，洗臉，防曬，紫外線